Sanya Lopez, ipinasilip ang bagong bahay

Ipinasilip ni Sanya Lopez sa pamamagitan ng kanyang Instagram ang kanyang naipundar na bahay dahil sa pagtatrabaho sa showbiz.

Noong November 2019, ibinahagi ni Sanya at ng kanyang kapatid na si Jak Roberto ang kanilang ginawang house hunting. Maaalalang pursigidong-pursigido ang magkapatid at nagawa na rin nilang mamili ng appliances para sa kanilang magiging bagong tahanan.

Pag-amin noon ni Sanya, nais na niya talagang makamit ang kanyang pinagtatrabahuhang dream house. At matapos ang halos isang taon, nakuha na niya ang kanyang pinapangarap.

Ibinahagi ng aktres ang kanyang litrato nang bisitahin niya ang kanilang magiging bagong bahay.

Mapapansing dito rin siya nagdiwang ng kanyang kaarawan nitong August 9.

Congratulations, Sanya!

LOOK: Sanya Lopez's prettiest photos